'Diolch yn fawr iawn ichi am fy helpu drwy'r cyfnod anodd yma. Rydych wedi rhoi y sgiliau i mi allu gweithio drwy hyn. Diolch am eich holl strategaethau a cyngor. Roedd pob un mor werthfawr. Diolch am fod yn hawdd i siarad gyda. Biti na faswn wedi cysylltu'n gynt! Rydych wir wedi fy helpu a byddaf yn cofio beth rydw i wedi ei ddysgu am byth' (2024)

​

Elise ydw i, Cwnselydd profiadol sy'n arbenigo mewn pryder, gydag MSc mewn Cwnsela o Brifysgol Bangor. Gynt roeddwn yn Therapydd Cerdd efo Gwynedd a Mon, Hosbis Ty Gobaith a'r Canolfan Datblygu Plant, Bangor. Dwi'n arbenigo mewn pryder, perthynas, trauma a galar (wedi hyfforddi efo CRUSE). Fi ydy'r unig arbenigwr dwyieithog yng Ngogledd Cymru ym maes Therapi Derbyn ac Ymrwymo (ACT), sy'n hynod effeithiol ar gyfer pryder. Fy ffi ydy £45 yr awr, a dwi'n gweithio wyneb yn wyneb yng Nghaernarfon a Bangor, neu ar-lein. Dwi'n gweithio gydag oedolion o bob oed, yn cynnwys pobl efo niwroamrywiaeth. 

 

Dwi​'n aelod o Gymdeithas Cwnselwyr a Seicotherapyddion Prydain (BACP) ac yn cadw at eu Fframwaith Moesegol. Mae yswiriant indemniad cyhoeddus proffesiynol gen i, DBS uwch, dwi'n cael goruchwyliaeth reolaidd, gadarn, ac yn mynychu cyrsiau a gweithgareddau rheolaidd (DPP) i sicrhau fy mod yn datblygu fy holl sgiliau a gwybodaeth. Dwi’n dilyn holl argymhellion GDPR gan wneud yn siŵr eich bod yn teimlo’n ddiogel gan drin a storio eich gwybodaeth bersonol yn gywir. ​Mae gen i sgiliau unigryw i drin pryder, PTSD, OCD, panig, trawma, cam-drin (yn cynnwys yn rhywiol) a dibyniaeth o wahanol fathau. Dwi'n gweithio efo'r person, nid y broblem.

​

Mewn man preifat, diogel a heb feirniadaeth, cewch eich clywed a'ch derbyn. Yn ystod ein hamser gyda'n gilydd, byddaf yn ceisio gwrando arnoch yn ddwfn ac adlewyrchu nôl atoch y cwestiynau sydd ar eich calon. Gyda'n gilydd, gallwn weithio fel eich bod yn dod i weld eich hun mewn ffyrdd newydd a mwy cynnil. Yn aml bydd yna batrymau ymddygiad a meddwl sydd yn gudd ichi - ond mae pawb yn wahanol. ​

​

Mae Sefydliad Iechyd y Byd (WHO) bellach yn argymell ACT - ac nid CBT - ar gyfer pryder, iselder a trawma. Un o 6 sgìl ACT ydy meddwlgarwch (mindfulness). Dwi'n gweld o hyd sut mae fy nghleientiaid, rhai ohonynt wedi bod yn cael trafferth ers blynyddoedd, yn elwa'n fawr o'r cwnsela integredig yr ydw i'n ei gynnig. Felly un rhan o fy 'approach' integredig ydy fy mod yn gallu dangos sgiliau ACT (Acceptance and Commitment Therapy) i chi.

 

Os ydych chi'n meddwl efallai taw fi ydy'r therapydd iawn i chi, edrychaf ymlaen at glywed gennych.